DAMASKINATUA

DAMASKINATUAN ADITUA DEN NELLYREN BISITA

2014ko azaroaren 13an damaskinatuan aditua den Nelly Goin izeneko andrea etorri zen gure eskolara. Orain LEHENGO BIZITZA gaia lantzen ari garenez eta aprobetxatzen gure gelako Victoriaren amama aditua  dela damaskinatuan, eskolara etortzea eskatu genion.

Aretoan 6.mailakoak Nellyrekin bildu ginen eta bertan damaskinatuari buruz prestatutako galdeketa erantzun zigun.

Berak 10 urterekin eskola laga eta marrazki eskolan hasi zen eta oso ona zenez marrazketan bere maisuak gomendatu  zion damaskinatua ikastea. 12 urterekin bere gurasoen lagun baten etxera joan zen ikastera. 3 urte ikasten egon ondoren lanean hasteko prest zegoen. Bidebarrietan, Gisasola izeneko denda batera joan zen froga bat egitera damaskinatu lana egiten hasteko eta lana lortu zuen. Lan hau oso ondo ordainduta zegoen eta batzuetan bere anaia (mekaniko jefea)  baino diru  gehiago irabazten zuen.

Berari damaskinatua egitea asko gustatzen zitzaion, denbora asko dedikatzen  zion bere lanari, ez zen lan erreza asko kostatzen zitzaiolako piezetan marrazkiak egitea. Lanak egiteko 24 kilateko urrezko haria, urrezko laminak, urre gorria eta berdea erabiltzen zituen eta baita ere tresna bereziak behar zituen.  Gramo bat hari 160 pezeta balio zuen (euro bat). Urrea erosten zuen ‘’urredun’’ deitzen zioten batzuei. Lana beti etxean egiten zuen eta ez zeukan ordutegirik. Enkargatutako  lanak bukatu ondoren Gisasola dendara eramaten zituen.

21 urte zituenean ezkondu, eta lana utzi zuen. Berak jarraitu nahi zuen baino bere lehenengo haurdunaldia oso txarra izan zenez ezin izan  zuen jarraitu. Zoritzarrez gaur egunean ez du ezagutzen inor damaskinatu lana egiten duenik eta  ez dauka berak egindako lan bat erez baina bere alabak brotxe bat oparitu zion.

Baita ere kontatu zizkigun umetako pasadizo batzuk :

10 urte zituenean ogi zuria Eibarren debekatuta zegoela eta bere ama eta bi lagun Elgoibarrera joaten ziren ogi zuria erostera ´´estraperloa´´ egiteko. Bere anaiaren bizikletarekin Maltzagaraino joaten zen guardia zibilak bigilatzeko. Behin guardia zibilak harrapatu zuten eta arrandegi batean ezkutatu zen bertan ogia laga eta etxera abiatu zen korrika.

Oso ondo pasatu genuen Nellyrekin eta asko ikasi genuen.




 ESKERRIK ASKO ETORTZEA GAITIK NELLY!!